Ildo horretan, Udalak herritarrak gonbidatu ditu hainbat oinarrizko printzipio aintzat hartzera: edozein jokabide matxista publikoki gaitzestea, sexu-harremanetan adostasuna errespetatzea, alkohol edo drogen kontsumoak ez duela erasorik justifikatzen gogoratzea eta laguntza behar duen pertsona oro entzuteko eta babesteko prest egotea.
Ainize Gastaka alkatearen hitzetan, “jaiak gozatzeko, elkarrekin egoteko eta komunitatea sendotzeko egunak dira. Horregatik, ezinbestekoa da pertsona guztiek seguru sentitu ahal izatea eta indarkeria matxista, sexista edo LGTBIQ+fobikoaren aurrean tolerantzia zero izatea. Laudiok jai aske eta berdinzaleen alde egiten du”.
Beldur Barik gunea, informazioa eta babesa eskaintzeko
Aurten ere, auzoetako jaietan Beldur Barik guneak jarriko dira martxan. Generoan eta sexualitatean espezializatutako profesionalek artatuko dituzte espazio horiek, eta doako arreta konfidentziala eskainiko dute.
Gune horietan honako zerbitzu hauek eskainiko dira:
Informazioa eta aholkularitza.
Eraso sexista edo LGTBIQ+fobikoen aurrean laguntza eta orientazioa.
Errespetuan, berdintasunean eta zaintza kolektiboan oinarritutako jai-ereduen sustapena.
Auzoetako jaietako arreta-egutegia
Areta
• Uztailak 24: 22:00etatik 02:00etara.
• Uztailak 25: 22:00etatik 02:00etara.
Ugarte
• Uztailak 31: 22:00etatik 02:00etara.
• Abuztuak 1: 22:00etatik 00:00etara.
Udalak gogorarazi duenez, ez dago berdintasunik espazio segururik gabe, eta horregatik jarraituko du prebentzioa, sentsibilizazioa eta arreta sustatzen, komunitate osoaren inplikazioarekin.
Larrialdi eta arreta telefonoak
Indarkeria matxistaren edo sexu-indarkeriaren aurrean, herritarrek eguneko 24 orduetan erabil ditzakete honako baliabide hauek:
SATEVI – 900 840 111
Eusko Jaurlaritzaren arreta-zerbitzu espezializatua indarkeria matxistaren biktima
diren emakumeentzat. 51 hizkuntzatan dago eskuragarri eta entzumen edo hizketa
desgaitasuna duten pertsonentzat egokituta dago.
Tximeletak Zentroa – 650 801 080
16 urtetik gorako sexu-indarkeriaren biktimei arreta integrala eta espezializatua
eskaintzen dien zentroa.
Larrialdiak – 112.