Datorren urriaren 1ean, osteguna, udal ludotekak ateak irekiko ditu berriro, baina oraingoan kultur etxean irekiko ditu, astelehenetik ostegunera, 17:00etatik 19:45era eta ostiraletan 17:30etatik 19:30etara. Jaiegunetan, zubietan eta oporraldietan, ludoteka itxita egongo da, eskola-egutegiaren arabera.
Zerbitzua 2 eta 10 urte bitarteko haurrentzat da (2023-2016), eta 4 urtetik beherakoek heldu batekin egon beharko dute. Izena emateko epea gaur, irailak 7, irekiko da, irailaren 23ra arte, asteazkena. Eskaerak KULTUR ETXEAN aurkeztu beharko dira.
Izen-emateak ikasturteko lehen hiruhilekorako izango dira (2026ko urria-azaroa eta abendua).
Eskainitako plaza-kopurua gaindituz gero (12 guztira), zozketa egingo da hilaren 24an, eta Laudion erroldatutakoek izango dute esleipen-lehentasuna. Onartuen behin-behineko zerrendak hilaren 25ean argitaratuko dira. Ordainketa hilaren 25, 26, 27 eta 28an egingo da, eta dagokion egiaztagiria kultur etxean entregatu beharko da egun horietan bertan (irailaren 25etik 28ra).
Prezioak
• Hileko kuota: 5,46 €
• Hiruhileko kuota (urria-abendua): 13,14 €