Herria, gero eta gertuago dago antzoki bat izatetik: kulturaz, sormenaz eta topaketez beteko den espazioa. Eszenatoki bat sortzaile, artista eta eragileentzat; eta, batez ere, laudioarrek bizitzaz beteko duten espazioa.
Orain, ordea, pauso berezi bat falta da: izena jartzea.
Eta Udalak argi du: halako espazio batek herriaren izena eta izaera ere islatu behar ditu. Horregatik, herriak berak aukeratutako izena izatea nahi du.
Horretarako, ideia-zaparrada abiarazi du Udalak, eta herritarren proposamen guztiak jaso nahi ditu. Izenak Laudioko historiarekin, kulturarekin edo izaerarekin lotura izan dezake. Edo, besterik gabe, norbaiti burura datorkion ideia berezi hori izan daiteke.
Ez dago ideia txikirik. Ez dago proposamen ausartegirik.
Izen bat bilatzen da, baina milaka ideia behar dira.
Zein izen proposatuko luke Laudiok bere antzoki berriarentzat?
Ekarpenak egiteko unea da. Antzokiari identitatea emateko unea da.
Helbide honetan aurkeztu ahal dituzu zure ideiak.