Laudioko Udala desgaitasuna duten pertsonentzako aparkatze-txartela ematea eta erabiltzea arautuko duen udal ordenantza berria prestatzen ari da. Helburua
araudia eguneratzea eta sistema eraginkorragoa, irisgarriagoa eta herritarren beharretara hobeto egokitua izatea da.
Horretarako, Udalak herritarren, elkarteen eta araudiaren eraginpean egon daitezkeen erakundeen parte-hartzea sustatu nahi du. Ekarpenak irailaren 21etik urriaren 20ra arte aurkeztu ahal izango dira, biak barne.
Aparkatze-txartela mugikortasun murriztua duten pertsonen autonomia eta irisgarritasuna hobetzeko tresna garrantzitsua da. Horregatik, ordenantza berria prestatzerakoan herritarren ekarpenak kontuan hartu nahi ditu Udalak.
Txartelaren ezaugarri nagusiak
Gaur egun indarrean dagoen araudiaren arabera:
• Txartelak Europar Batasun osoan balioa du.
• Jatorrizko agiria beti ikusgai egon behar da.
• Gordetako tokietan aparkatzea, eta baita debekatutako guneetan ere ezinbesteko denboran (pasabideak edo vadoak oztopatu gabe).
• Iraupena: 5 urteko balioa du.
Txartela gaizki erabiltzeak (kopiak, lagatzea...) 300 euro arteko isunak eta txartela galtzea ekar ditzake.
Gizarte Kohesioko zinegotzi Carmen Altunak azpimarratu duenez, “ordenantza berritzeak irisgarritasunaren arloan aurrera egiten jarraitzea ahalbidetuko du, eta herritarren parte-hartzea funtsezkoa izango da araudia ahalik eta egokiena izan dadin. Horregatik, herritarrak, elkarteak eta eragileak beren ekarpenak egitera gonbidatu nahi ditugu, araudi hau guztion beharrak kontuan hartuta osatu ahal izateko”.
Ordenantza-proiektua kontsultatu eta ekarpenak egiteko aukera dago Udalaren parte-hartze atarian.
Egin zure ekarpena eta lagundu Laudio irisgarriago bat eraikitzen.