Laudioko Udalak Auzo Taxi zerbitzua martxan jarriko du udazken honetan, herrigunetik urrunen dauden auzoetan bizi diren herritarren mugikortasuna errazteko. Zerbitzuaren bidez, udal zerbitzuetara, osasun-zentrora, merkataritza-establezimenduetara eta udalerriko gizarte-, kultura- eta aisialdi-jardueretara joateko aukera eman nahi da.
Onuradunek 16 bidaiako bono pertsonal eta besterenezina jasoko dute, urtebeterako balioarekin. Bidaia bakoitzeko euro bat ordaindu beharko dute erabiltzaileek, eta gainerako kostua Udalak hartuko du bere gain.
Bonuak eskatzeko epea urriaren 15etik azaroaren 6ra egongo da zabalik, auzoetan egingo diren paseoak aprobetxatuz. Eskabideak Udaleko Herritarren Arreta Zerbitzuan (HAZ) aurkeztu beharko dira.
Onuradunak eta lehentasun-irizpideak
Deialdian jasotako kale, auzo eta bideetan erroldatuta dauden herritarrek eskatu ahal izango dute bonua. Eskabideen kopurua eskuragarri dauden bonuena baino
handiagoa bada, lehentasun-hurrenkera hau ezarriko da:
• %33ko edo hortik gorako desgaitasuna aitortuta duten pertsonak.
• 65 urte edo gehiago dituzten pertsonak.
• 15 eta 17 urte bitarteko gazteak.
Bonuarekin, deialdian jasotako eremuen eta herrigunearen artean bidaiatu ahal izango da, joan-etorriaren arrazoia justifikatu beharrik gabe.
Deialdian jasotako eremuak
Honako kale, auzo eta bide hauetan erroldatuta dauden herritarrek eskatu ahal izango dute zerbitzua:
Kaleak: Arraño, Zumeltza, Dubiriz, Gardeagotxi, Santa Kurutz, Gardea, Isusi, Altui, Izardui, Odiaga, Beldui, Larrazabal, Santa Ana, Markuartu, Erkitza, Launtxugoikoa, Saldarriaga, Zabala, Larrea, Kadaltso, Etxeoru, Kaltzaganeta, Torrejón, Txirrieta, Anuntzibai eta Telleria.
• Arantzar: 21. zenbakia.
• Arraño: 44tik 62ra bitarteko zenbakiak.
• Atxarte: 12tik 27ra bitarteko zenbakiak.
• Atxeta: 31tik 57ra bitarteko zenbakiak.
• Goienuri: 34tik 46ra bitarteko zenbakiak.
• Iturralde: 8tik 18ra bitarteko zenbakiak.
• Landaluze: 31 eta 37 zenbaki bakoitiak, eta 50etik 62ra bitarteko zenbakiak.
• Lezeagabide: 17 eta 19 zenbakiak.
• Motxotekale: 15etik 23ra bitarteko zenbakiak.
• Bideak: Isasi, Goienuri, Katuxa-Ibarra, Olako, Olarte eta Oleta.