Laudioko Udalak Parkea Kultura Topagunean kokatutako udal ludotekan azarotik aurrera parte hartu nahi duten haurrentzako izen-emate epe berria irekiko du.
Izen-emate berriak egiteko aukera izango dute oraindik zerbitzuan izena eman ez duten familiek, betiere ludotekaren erabilera-baldintzak eta gehieneko edukiera errespetatuta.
Era berean, Udalak ludotekako hartzaileen adinari buruzko irizpidea eguneratu du. Aurrerantzean, 2016 eta 2024 urteen artean jaiotako haurrek izango dute zerbitzua erabiltzeko aukera, bi urteak barne. Jaiotza-urtea erreferentziatzat hartuko da, haur bakoitzaren urtebetetze-eguna kontuan hartu gabe.
Gainerako erabilera-baldintzek bere horretan jarraituko dute. Lau urtetik beherako haurrek heldu arduradun batekin egon beharko dute, eta instalazioaren gehieneko edukiera 42 pertsonakoa izango da, haurrak eta helduak barne.
Ludotekaren ohiko ordutegia astelehenetik ostegunera 17:00etatik 19:45era izango da, eta ostiraletan 17:30etatik 19:30era.
Izen-emateari buruzko informazioa:
• Izen-ematea: Urriaren 19tik 25era
• Behin behineko zerrenda: Urriaren 26an
• Ordaintzeko epea: Urriaren 27tik 29ra (ziurtagiria ekarri)
• Behin betiko zerrenda: Urriaren 30ean
• Non: Kultura Etxean eta Ludotekan