Urriaren 24an, larunbata, KLIMA Azoka egingo da Laudioko Aldai plazan, ASTEKLIMA 2026 ekimenaren baitan. Klima-aldaketaren eta trantsizio energetikoaren inguruan herritarrak sentsibilizatzea helburu duen jarduera izango da, adin guztietako pertsonei zuzendua.
11:30etik 18:30era, herritarrek zazpi karpa tematikotan antolatutako jardueretan parte hartzeko aukera izango dute. Jolasen, dinamika parte-hartzaileen eta esperientzia interaktiboen bidez, klima-aldaketaren inguruko hainbat kontzeptu ezagutu eta eguneroko ohituretan egin daitezkeen aldaketa txikien garrantzia landuko da.
Euskadiko energia-ereduari buruzko hitzaldia
Azokaren barruan, 12:00etatik 13:00etara, “Euskadiko energia-eredua” izeneko hitzaldia eskainiko dute Energiaren Euskal Erakundeko (EEE) teknikariek, Aldai plazako energiari buruzko karpan.
Saioan, Euskadiko egungo energia-egoera azalduko da, baita energia berriztagarrien erabilera handitzeko eta trantsizio energetikoan aurrera egiteko dauden erronka nagusiak ere.
Bi jarduerek klima-aldaketaren eta energiaren inguruko informazioa herritarrengana modu hurbil eta ulergarrian helaraztea izango dute helburu.