2026ko azaroaren 16an Laudioko Udalak amiantoaren udal-zentsua osatu du, eta herritarrei beren eraikinei buruzko informazioa kontsultatzeko aukera emango die

Erabiltzailearen aurpegia Laudioko Udala

Udalerri osoko eraikin publiko eta pribatuetan amiantoaren presentzia identifikatzeko lanak aukera eman dio Udalari bere instalazioetan esku- hartzeak lehentasunen arabera planifikatzeko. Dagoeneko, Aretako eskolan, Irin Fabrikan eta kiroldegian jarduketak egin ditu.

Laudioko Udalak udalerriko eraikin eta instalazioetan amiantoaren presentzia identifikatzeko udal-zentsua osatu du, titulartasun publiko zein pribatuko eraikinak kontuan hartuta. Lan horri esker, udalerriko amiantoaren egoerari buruzko informazioa bildu eta datozen urteetako esku-hartzeak lehentasunen arabera antolatzeko oinarriak ezarri dira.

Zentsuan jasotako informazioa herritarren eskura jarriko du Udalak. Horrela, herritarrek beren etxebizitza edo eraikinari buruz bildutako informazioa kontsultatu ahal izango dute. Horretarako, Udaleko Herritarren Harrera Zerbitzura jo beharko dute eta dagokion eraikina identifikatu. Ondoren, Udalak zentsuan eraikin horri buruz jasotako informazioa helaraziko die.

Kontuan hartu behar da eraikin pribatuen kasuan identifikazioa kanpotik egin dela; hau da, ikusgai dagoen amiantoa aztertu da, hala nola teilatuetan, fatxadetan edo kanpoko hodietako elementuetan dagoena. Beraz, zentsuan jasotako informazioa kanpotik ikus daitezkeen elementuen identifikazioan oinarritzen da.

Horrela, herritarrek beren eraikinaren inguruan Udalak egindako azterketan jasotako informazioa ezagutu eta amiantoaren presentziari eta haren egoerari buruzko datuak eskuratu ahal izango dituzte, betiere zentsuan jasotakoaren arabera.

Zentsua 7/2022 Legearen 14. xedapen gehigarrian ezarritakoaren esparruan egin da. Araudi horrek udalei eskatzen die udalerrian amiantoa duten edo izan dezaketen instalazio eta kokalekuen zentsua egitea, baita amiantoa kentzeko plangintza eta egutegia jasotzea ere. Era berean, amiantoa kentzeko jarduketak arrisku-mailaren eta herritar zaurgarrienek amiantoarekiko duten esposizioaren arabera lehenestea ezartzen du.

Metodologia horren arabera, prozesua hainbat fasetan garatzen da. Lehenik, udalerri osoan amiantoa egon daitekeen eraikinak eta kokalekuak identifikatzen dira. Ondoren, oinarrizko inbentarioaren bidez, informazioa osatzen da.

Prozesu horren barruan, Laudioko Udalak udal-titulartasuneko eraikin eta instalazioetan azterketa zehatzagoa egin du. Horri esker, amiantoa duten elementuak non dauden eta zer egoeratan dauden identifikatzeaz gain, Udalaren eskumeneko esku-hartzeak lehentasunen arabera planifikatu ahal izan ditu.

Zentsuan ezarritako lehentasunei jarraituz, Udalak azken hilabetean amiantoa kentzeko jarduketak egin ditu Aretako eskolan eta Irin Fabrikan. Jarduketa horiek udal-zentsuaren bidez identifikatutako esku-hartzeen barruan kokatzen dira. Horrez gain, kiroldegian ere jarduketak egin dira.

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide