Pasa den barikuan Arrankudiagako Gizarte-Etxeak hasiera eman zion Barikuetan Kultura Zuzenean (BKZ) egitarauari.
BKZ proiektua 2003an jarri zen martxan. Gizarte-Etxea Auzo Elkartea sortu zenetik asko izan dira bertan antolatu diren ikuskizunak, ikastaroak, kontzertuak… Helburua herriko jendea elkartzea eta herri giroa bultzatzea izan da beti, baita euskararen erabilera eta euskal kultura sustatzea ere. Halako ikuskizunak antolatzeko eta Gizarte-Etxea dinamizatzeko asmoarekin, elkarteko kultura-batzordeak BKZ proiektua jarri zuen martxan eta hortik aurrera, hilean behin eta normalean barikuetan, kultur ekitaldi bat antolatzen da Gizarte-Etxean (informazio gehiago www.gizarte-etxea.com helbidean).
2011ko lehenengo kultur ekitaldia pasa den ostiralean izan zen eta L.E.T.HOTZAK taldeak kantuan eta dantzan jarri zituen bertara hurbildu zirenak.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide