2023an PSE-EEk utzi egin dio bere herriarekin konprometiturik eta kontu osasuntsuak zituen udalbatzaren buruan egoteari, eta gauzak guztiz kontrara egiten dituen gobernu-talde berri bat jarri da. Politika egiteko era zorrotz, zentzudun eta sozial batetik gardentasun gutxiko kudeaketa batera igaro gara, konpromisorik ez duena gure herriaren garapenarekin, diru-laguntzak jasotzeko aukera galtzen ari dena eta proiektuak bazterrera utzi eta independentismoaren handinahikerietan zentratzen ari dena, gure auzokideen benetako beharrekin zerikusi gutxi dutenak.
Herritarren parte-hartze partzial eta manipulatuaren aitzakia pozoitsuarekin saiatzen dira ezkutatzen euren hanka-sartze eta erabaki okerrak.
Orain dela zortzi urte, gure Udalaren egoerari buelta eman beharrean egon ginen udalerria engainura eramana zutelako. Eta, berriz ere, ikusten dugu sartu den korporazio berria nola ari den inbertsioak eta programak eteten, aurreko taldearen kudeaketa bikainaren arrastoa ezabatzeko beste helbururik gabe... ezerren truke.
Laudioko PSE-EEk oposiziotik guztion mesederako lanean jarraitzeko asmo irmoa du. Ez dugu utziko kultura eta gure adinekoen eta gazteen ongizatea zapuzten, horren kontra egiteko ahotsa altxatu gabe.