Amaitu den urtea Laudioko PSE-EEk bere herriaren alde lan egiteari utzi ez dion urtea izan da. Ezgaitasunez eta jarduera ezarekin Udala gobernatzen duen gobernu talde batekin egin dugu topo.
Horregatik, orain inoiz baino gehiago, politika aurrerakoiei eutsi nahi diegu, gure bizilagunei ongizatea ekarriko dieten politikei. Inor atzean utziko ez duten politikei, jatorria, klase soziala edo ideologia politikoa edozein dela ere. Benetako politika egiteko lan egiten dugu, jendearengana iristen dena, kalean nabaritzen dena. Gure bizilagunek helarazten dizkiguten kezketatik abiatutako politika. Izan ere, nola ez, gure lehentasuna pertsonak dira.
Gure aldetik, guztien konfiantza izango duen alderdia izan nahi dugu. Gure kudeaketa da gure bermea. Izan ere, erakunde guztietan presentzia izateak baliabideak eta indarra ematen dizkigu proiektuak aurrera ateratzeko eta ongizatean irabazteko. Ez gara hitzetan geratzen. Ekintzarako alderdia gara, eta hori erakusten dugu gure proiektuak aurrera eramanez.
Laudioko PSE-EEek Laudioren alde lanean jarraitzen du. Gazteentzat etorkizuna duen herri bat nahi dugu, guztiontzako aukerak dituena, guztiok merezi ditugun erosotasun eta zerbitzuekin bizitzeko.
2025a oparotasun-urtea izatea nahi dugu gure eskualdearentzat, hazkunde-urtea gure industria eta enpresentzat, baliabide-urtea guztiontzat. Indarkeria-mota guztiak desagertuko diren urte izatea nahi dugu.