Irailaren 15tik 22ra Laudiok Europako Mugikortasun Astea ospatuko du "Hiria autorik gabe. Mugi zaitez aire garbiago baten alde" lemapean. Herritarrek hiriko airearen kalitatean garraioak duen eraginaz gogoeta egitea da helburua.
Ekitaldi nagusia Mugikortasunaren Aldeko Martxa izango da. Laudioko Udalak, Sociedad Ciclista Llodiana, Laudioko Aldaiko Irristaketa Taldea, Spiuk eta Aiarabiken laguntzaz antolatu du eta hurrengo igandean, irailaren 22an, ospatuko da hurrengo egitarauarekin:
- 10:30h, Parte-hartzaileen izen ematea (Aldaiko plazan).
- 11:15h, Bi ibilbideen hasiera; bata irristalari aditu eta txirrindularientzat (10 km) eta, bestea, irristalari berri eta ibiltarientzat (5 km).
- 13:00h, Aldaiko plazan: puzgarriak, tailerrak eta ohikoa den bizikleta, patin eta beste sorpresa batzuen zozketa.
Gainera, aurtengo edizioan Laudioko Udalak espazio publikoetako irisgarritasuna hobetzeko hartu duen konpromisoa nabarmendu nahi du. 2011an onartu zen Hiri Bideen Bigarren Irisgarritasun Plana da. Udalak hiri bideen irisgarritasuna eta, hortaz, denon mugikortasuna, hobetzera bideratuta dauden obra txikiak gauzatzeko pertsonal propioa dauka. Honen harira egiten diren lanak, ukipen-espaloiak sortzea, gurpil-aulkientzako arrapalak sortzea eta espaloiak handitzea dira, besteak beste.