Laudioko Udalak, Zinhezba Elkarte Kulturalaren laguntzarekin, MOBILizatu izeneko tailerra antolatu du. 14 eta 18 urte bitarteko gazteei zuzendutako ikus entzunezko tailerra da, berdintasunarekin eta generoarekin erlazionaturiko film laburrak sortzeko helburua duena. Zinhezba zinearen bidez giza eskubideen inguruko heziketan aritzen den elkartea da.
MOBILizatu tailerran, gazteek haien burua deskribatzen duen zerbait sortu beharko dute, bidegabekoak iruditzen zaizkizkien errealitateak salatu, haien iritzia azaldu edo gainontzeko pertsonen interesak defendatu. Gazteek beren askatasunetik sortzea ahalbidetuko duen espazioa izan nahi du tailer honek.
Laudioko Udaletxean egingo da Uztailak 15, 16 eta 17an, 10:00 – 14:00ko ordutegian. Izena emateko Laudioko Udalaren Berdintasun Zerbitzura jo edo 94 403 48 50 telefonora deitu behar da. Tailera dohainik da.
Ekintza honetarako beharrezkoa da gazteek kalitatezko irudiak hartuko dituen telefono mugikorra izatea (android/iphone). Ekintza taldeka egiten denez, talde bakoitzeko telefono mugikor bakarra behar da.
MOBILizatu tailerran izena ematen dutenek EUDEL eta Berdinsareak antolatutako Beldur Barik lehiaketan parte hartuko dute, emakumeen kontrako diskriminazioak ikustaratzen dituzten adierazpen artistikoak saritu eta bultzatzen dituen lehiaketa.