Publikoa izanik Hezkuntza Sailaren sare barruan ez dagoen zentru gutxietariko bat da Laudioko Lanbide Heziketa Eskola. 1991 urtean Eusko Jaurlaritzarekin hitzarmena egin zen eta geroztik kontratazio gastuen ardura dauka gobernuak baina ikastetxearen titulartasuna udalarena da oraindik.
Laudioko PSEren ustez hobekuntzak behar dira ikastetxearen azpiegituretan eta zentrua irisgarritasun eskakizunetara moldatu beharra dago. Hau guztia kontutan hartuz eta ikastetxearen etorkizunerako onena delakoan, zentrua euskal sare publikoan erabat integra dadin eskatuko du PSEk.
Eskakizun hau ez da berria, izan ere 2002, 2010, 2011 eta 2012an Laudioko Udalak hainbat mozioen bidez eskaera berdintsua luzatu izan dio Eusko Jaurlaritzari.
Oraingoan PSEk, martxoaren 25ean aurkeztuko duen mozioaren bidez, ikastetxea sare publikoan integratzeko behar diren neurriak Eusko Jaurlaritzak landuko duen Bizitzan zeharreko Ikaskuntzaren Legearen parte izatea proposatuko du.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
