Laudioko antzerki taldeak abenduaren 23an estreinatuko du Love Actually filmaren moldaketa. La Salle ikastetxearen areto nagusian eskainiko dute emanaldia, arratsaldeko 19:00etatik aurrera. Antzezlana gaztelaniaz izango da.
Eskarmentu handiko talde amateurra da Oihala Zabaltzen: 1988 hasi ziren antzezlanak prestatzen eta Love Actually aurkeztuko duten 55. lana da.
Irribarrez negar egitekoa
2003 urteko komedia erromantikoa da filma, Richard Curtisek idatzi eta zuzendutakoa. Oihala Zabaltzenek prestatutako moldaketa ikustera joaten direnek negar egingo dutela iragarri dute antolatzaileek, baina negar, irribarrez eta zoriontsu negar egingo dutela argi utziz.
Maitasuna edonon
Maitasun istorio desberdinak kontatzen ditu Love Actuallyk, pertsonaia ugari eta zoroekin. “Aireportuetako terminaletan, helduera gunean ez dago eztabaida edo mespretxuentzako tokirik, musu eta besarkadentzako baino. Ez doa inor agurtzera ezer aurpegiratzeko. Ez du inork kexu edo arrangurarik atxikitzen Gabon postaletan…” horrela hasten da antzezlana.
Antzezle sorta ederra
17 antzezle ikusi ahal izango dira taula gainean, batzuk pertsonaia bat baino gehiago egiten, gainera. Hurrengoak dira:
ANTZEZLEAK
Edorta Arana_ DAVID
Mari Jose Cid_ NATALIE
Ana Sánchez_ DANIELA / MARGARETH
Ainhoa Urruela_ EMMA
Aitor Urquijo_ ALAN / NARRADOR
Nuria Casanova_ JESSICA / DANIELAren AMA
Luis Mari Juez_ MANAGER / Mr. BEAN / EEBBetako presidentea
Joserra Madrid_ COLLIN
David Sánchez_ MORGAN / ANDREW
Melisa Querejeta_ KEYRA
Anskar del Hoyo_ PAUL
David García_ BILLY MACK
Julia Urkiza_ ELLEN
Joane Urquijo_ JENNY
Ibone Oya_ MARLENE
Egoitz Zurimendi_ KEVIN
Aimar Gutiérrez_ DIEGO
TALDE TEKNIKOA
Jon Zurimendi_ The Sound of Silence
Fran Martínez_ The Silence of Light