Datozen hauteskundeak antolatzen dituen Eusko Jaurlaritzak, udalari aukera ematen dio egun horretan administrazioaren ordezkariak izango direnak izendatzeko. Laudioko Udalak ordezkari horietatik 10, langabetuen lan poltsa baten bidez izendatzea erabaki du.
Lan poltsa horretan parte hartzeko eskaria irailaren 17tik 20ra egin ahal izango da, biak barne (ordutegia: 9,00etatik - 13,00ra), beharrezkoak diren baldintzen dokumentazioa aukezturik. 10 ordezkari hauetako bat izateko baldintzak hurrengoak dira: langabezian egotea, Laudion erroldatuta egotea, Batxillergoa, FPII edo baliokidea edukitzea eta hirugarren hizkuntza eskakizuna edo baliokidea izatea. Udalaren Sarrera Erregistroan informazio guztia eskuratu daiteke.
2012ko irailaren 21an egingo da zozketa jendeaurrean eta 10 ordezkarien izena jakinaraziko da. Administrazioaren ordezkari izateak ez du suposatuko Laudioko Udalarekin lan harremanik. Izendapenak hauteskundeak antolatzen dituen administrazioak legez araututa dituen diru-kopuruak jasotzeko eskubidea soilik suposatzen du.