Laudioko BIOK berdintasunerako gizon taldeak, Udaleko Berdintasun Zerbitzuak eta Ez:Berdin Berdintasunerako Zentroak, Berdintasunerako I Lehiaketa Artistiko Literarioa deitu dute. Lehiaketaren helburua, gogoeta, sormena eta adierazpen artistikorako guneak sustatzea da, sexu bereizkeriarik gabeko gizarte bat eraikitzen laguntzen duten heinean.
Lehiaketa honetara hurrengo diziplina artistikoko lanak aurkeztu ahal izango dira: literatura, marrazketa, margolana, argazkilaritza, ikus-entzunezkoak eta kartelak.
Euskal Herrian jaio edo eta bizi den 16 eta 29 urte bitarteko edozeinek parte hartu ahal izango du eta aurkeztutako lanek honako gaietako bat islatu beharko dute:
- Emakume eta gizonen arteko berdintasuna
- Emakumearen eta gizonaren gizartearekiko berdintasun zeregina
- Desberdintasunarekiko begirunea
- Hizkuntza ez sexista.
- Emakumearen eta gizonaren irudia komunikabideetan eta publizitatean.
- Haurtzaroa eta jolasen erabilera ez sexista.
- Gizonak genero indarkeriaren aurrezaintza eta desagerpenaren aurrean.
- Gizonen zeregina sexu-bereizkeriarik gabeko gizarte bat sortzeko bidean.
Lan nabarmenenari sari berezia emango zaio: NETBOOK bat. Horrez gain, modalitate bakoitzean diploma bat emango da, lanen errekonozimenduaren seinale. Lanen zabalpena udalaren webgunean eta lehiaketaren antolatzaileek erabakitzen duten bestelako bideetan egingo da.
Lehiaketara aurkezteko epea 2011ko martxoaren 8an amaituko da.
Lanak eskura ala postaz helaraziko dira (postaz bidalitakoek, martxoak 8ko edo lehenagoko zigilua izan behar dute) hurrengo helbide honetara:
Berdintasunerako I Lehiaketa Artistiko Literarioa 2011
Berdintasun Zerbitzua
Laudioko Udala
Herriko Plaza z/g
01400 Laudio (Araba)
Informazio guztia BIOK berdintasunerako gizon taldearen blogan.
BIOK elkarteak berdintasunaren aldeko lehiaketa artistiko literarioa deitu du Laudion
2011ko ots. 5a, 12:08
Laudioko BIOK berdintasunerako gizon taldeak, Udaleko Berdintasun Zerbitzuak eta Ez:Berdin Berdintasunerako Zentroak, Berdintasunerako I Lehiaketa Artistiko Literarioa deitu dute. Lehiaketaren helburua, gogoeta, sormena eta adierazpen artistikorako guneak sustatzea da, sexu bereizkeriarik gabeko gizarte bat eraikitzen laguntzen duten heinean.
Lehiaketa honetara hurrengo diziplina artistikoko lanak aurkeztu ahal izango dira: literatura, marrazketa, margolana, argazkilaritza, ikus-entzunezkoak eta kartelak.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide