Arabako abeltzainen ordezkaritzak uko egin dio Dolumin Barikuko Azokan parte hartzeari. Foru Aldundiaren Otsoa kudeatzeko plana salatu nahi dute horrela. Laudioko Udalak, hala ere, azoka Martxoaren 26an ospatu ospatuko dela baieztatu du. Bere osagai nagusia faltan izango duela onartu arren, nekazal produktu erakusketa, herri kirolak eta ekitaldi osagarriren bat ere egongo dela iragarri dute.
Aberedunak elkartearen jarrera
Aberedunak Laudioko Abeltzainen elkarteak bat egin du UAGA (Arabako Nekazari eta Abeltzainen Elkartea) eta SERGAL (Arabako Abeltzain Elkarteen Kooperatiba) erakundeen aldarrikapenarekin eta azokan ez parte hartzeko erabakia babestu du. Hala ere, haien aldarrikapenak bideratzeko modu berriak bilatzea proposatu dute, azoketan ez parte hartzeak abeltzainei beraiei kalte egiten diela argudiatuz.
Dolumin Barikua ez da abererik gabeko lehen abere azoka
UAGAk eta SERGALek hilabeteak daramatzate Araban ospatzen diren abere azoketan parte hartzeari uko egiten. Otsoaren espezieak haien lanbideari ekartzen dion kaltea azaldu eta Arabako Aldundiaren espeziea kontrolatzeko planarekiko desadostasuna agertu nahi dute horrela.