Lanbide Heziketako Areto Nagusian zinea prezio eskuragarrietan eskaintzen duen programa da Laudio TopZinema. Bere hastapenetan publiko gazteari zuzentzen zitzaion, baina urteak aurrera joan ahala publikoa askoz ere anitzagoa bihurtu da.
Hamar urte horietan batezbeste 100 pertsona joan dira zinema emanaldiak ikustera, 3.534 ikusle urtean.
2012an sarreraren prezioa euro 1 edo 2 izatetik, 2 edo 3 eurora izatera igaro zen. Udalak 2013an hobekuntzak egin zituen aretoan: proiektorea, soinu sistema eta besaulkiak berritu zituen. Gaur egun, 168 lagunentzako lekua dago.
Emanaldiak larunbatero izan ohi dira: bi saio daude, 17:30ean lehenengoa eta 20:00etan bigarrena.
Programazioa osatzerako orduan, filmeen mezuak eta adierazten dituzten balioak kontuan hartzen dira, baita entretenigarriak izatea ere. Estreinaldiak eskaintzen dira, hilean behin gutxienez.
2016-2017 ikasturteko ikusienak: Un monstruo viene a verme, Gernika eta El hombre de las mil caras
Azken ikasturtea azaroan hasi zen eta geroztik 19 filme eskaini dira. 2.602 pertsona joan dira udal zinemara guztira, emanaldi bakoitzera 137 pertsona bataz beste.
Abenduaren 26an eta 27an eskaini zuten “Un monstruo viene a verme” eta hori izan da, momentuz, arrakastatsuena ikasturte honetan, bi egunetako sarrerak kontuan hartuz, 564 pertsona joan ziren filma ikustera. Azaroaren 12an eman zen “Gernika” filma eta hori izan da hurrengoa, 216 ikuslerekin eta hirugarrena, azaroaren 5ean eskainitako “El hombre de las mil caras”, 211 ikuslerekin.
19 filma horietatik, 5 Berdintasun Arloak proposatutakoak izan dira, 12 Gazteria Arloak antolatu ditu eta 2 Euskara Arloak.
Udal arduradunek azaldu dutenez, laudiotopzinema@yahoo.es helbide elektronikoa eskuragai dago herritarrek bere iritzia eman dezaten, hainbat mezu jaso dira filma aukeraketagatik zorionak emanez eta pelikulak proposatuz.