Bilboko ‘Zubi Zuria”, abenduko zubiak, erromatarrak… polemikoak izan ohi dira zubiak. Latiorroko pasabidea polemikoa ez, guztiz arbuiatutako zubia da.
Duela bi hamarkada ergeltasunari eraikitako monumentua laster botako dute, Laudioko “skylinea” ederragoa izango da, eta denok zoriontsuago biziko omen gara.
Ez ditu irisgarritasun arauak betetzen, itsusia da, zentzugabea, ados. Baina trenbidea lurpetik zeharkatzeko pasabidea obretan egon zenean, esku zabalik hartu gintuen; inolako kexarik gabe, hori aitortu behar zaio. Goizaldeko bere argi ahulak eta aldarrikapen zaharrek badute xarma eta ni herdoildutako eskailerekin ohitu naiz.
Agur esateak tristezia ekartzen dit. Zubi ergelak badu bere poesia, betirako desagertu baino lehen Aiaraldeko argazkilari, pintore edo poetaren batek arima zentzugabe hori harrapatu behar luke. Ergeltasunari ohore pixka bat, mesedez.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
