Iritsi dira Gabonak

Erabiltzailearen aurpegia

Eta iritsi dira Gabonak. Milaka urte dituen tradizio hori gure bizitzetara atxikitzen da nahitaez, urtero-urtero. Beti galdetzen diot nire buruari ea zer espero duen jendeak Eguberrietatik. Alde batetik, umeak daude, edozein sinesmenetik at daudenak. Haur horiek espero dutena da Olentzerok, Erregeek edota Aita Noelek ahalik eta opari gehien ekartzea.

Beste aldetik, pertsona helduak daude, sinestun zein ez sinestunak, denak tradizioak agintzen duen errituala jarraitzeko prest. Itxaropenak mugaraino eramanez beti, dena gehiegikerian oinarritzen. Neurrigabekerian baitago erritual hori oinarrituta. Ondoezak sortzen dituzten otorduak, kontu korrontea zintzilikatzen duten opariak, eta ahalegin itzelak; espero diren irribarrea eta zoriontasuna mantentzeko. Paradoxikoa da. Gabonak beste gauza bat izan beharko lirateke sinestunen buruetan, baina sumatzen dut inork ez dakiela zer diren Gabonak. Ez gauza bat ezta bestea ere. Argiak daude, zuhaitzak, jaiotzak... eta ilusioa dagoela ere diote. Baina dezepzioak ere daude, inoiz betetzen ez diren aurreikuspen eta hutsuneak. Beti dagoelako hor urtarrila, zeinetan errealitateak bere tokian jartzen duen berriro dena.
Beti galdetuko diot nire buruari zer espero duen jendeak Gabonetatik. Dakidan gauza bakarra da irabazi askoko errituala izango dela merkatarientzat, tenplutik kanporatuak izan ziren horientzat.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide