Alde batetik, gizarte arloko irabazi asmorik gabeko erakundeei ematen zaizkien diru laguntzen berri eman du Udalak. Erakunde hauek, orokorrean, bazkideen diruarekin lan egiten dute, bana diru sarrera hauek ez dira nahikoak izaten beren jarduerak burutzeko. Horregatik, eta gizarte ekintza sustatu eta herriko elkartze-sarea indartzeko, dirulaguntzak ematen ditu udalak.
Dirulaguntza hauek 3.adinekoentzako jarduerak antolatzen dituzten elkarteentzako edo gizarte arloko jarduerak eta jarduera asistentzialak burutzen dituzten elkarteentzako izaten dira. Lehenengoetarako, gehienez 14.000 € bideratzen dira, bigarrenentzako, berriz, gehienez 21.000 €.
2012. urtean, alde batetik Laudioko San Roketzar Kluba eta Aretako Santa Ana Kluba, eta bestetik, Caritas, AFAN, ADEMBI, ASASAM, APDEMA eta ARESBI
izan ziren dirulaguntza hauek jaso zituztenak.
Horretaz gain, Haurtzaro eta Familia Departamentuan eskeitzen diren baliabideak azaldu ditu.
Batetik, Gizarte Zerbitzuek balorazioa egin ostean beharrezkoa dela erabaki delako, hiru baliabide mota eskaini daitezke: Familia inguruko laguntza sozioedukatibo programa, laguntza psikologikoa eta familia-terapia.
Bestetik, balorazioa egitea beharrezkoa ez den baliabideak daude: adingabekoen eguneko zentroa, Caritasen eskola-laguntza, Zuzen programa (nerabeen arrisku portaeren prebentzio eta laguntza), Babesgabeko pertsona eta familientzako Udaleko Laguntza Programa (Haur hezkuntzako beka aurrerapena, Derrigorrezko Hezkuntzako beka aurrerapena, inguru familiar egokirik gabeko gazteentzako laguntza, adikzioa uzteko prozesuan dauden pertsonentzako laguntza, baliaezintasunak dituzten eta beren kargu adingabekoak dituzten pertsonentzako laguntzak, bizikidetzagatik Dirusarrerak Bermatzeko Errenta kobratu ezin dutenentzako laguntzak).