IRITZIA

Zergatik eta non gertatzen dira eraso matxista gehien?

Erabiltzailearen aurpegia
Urduñan jasotako eraso matxista batean aurrean egindako mobilizazioa. / Aiaraldea.eus

 Azken datuen arabera, hiru emakumetik* batek indarkeria matxista jasaten du  eta  bost emakumetik* lauk sexu-erasoak. Gaiari helduta iritzi zutabea plazaratu du Maddi Isasi Azkarragak.

Ez gara histeriko batzuk indarkeria matxistaren gorakada bat eman dela esaten dugunean. Azken datuen arabera, hiru emakumetik* batek indarkeria matxista jasaten du  eta  bost emakumetik* lauk sexu-erasoak. Indarkeria matxista mundu osoko emakumeen* lehen heriotza kausa da.Pandemiaren ostean, kaleetara berriro bueltatu garen honetan, gero eta gehiago ikusten ditugu emakumeon* kontrako erasoak, gero eta kasu gehiagotaz enteratzen gara. Baina asko ezkutuan geratzen dira. Gu, bereziki neska* gazteok, pandemiaren ostean, gero eta bananduago, urrunduago gaudenaren sentsazioa daukat... Gero eta jendarte indibidualizatuago batera garamatzan tendentziak, gure arteko aliantzak eraikitzea zaildu egiten du; eta beraz, erasoei aurre egiteko zailtasunak areagotu ere, bakartuago gaudelako.

Gizonen arteko aliantzak, ordea, inoiz ez daude krisian.Eta honekin, ez dut esan nahi, soilik emakumeon* ardura denik, baizik eta kontrakoa: jendarte osoa interpelatu behar da eta instituzioek ere ardurak hartu behar dituzte: lehen mailako arazo politiko eta sozial bat delako.

Baina, Autodefentsa Feministaren printzipo nagusietako batek esaten du: ez dugu gu salbatzera etorriko den sasi-salbatzailerik behar, gu geu gai garelako. Bakarrik zaila da, baina emakumeok* osatzen dugun kolektiboan, eraiki ditzagun gure artako aliantzak.

Ez gara histeriko batzuk, ez zaizu zuri bakarrik gertatzen. Indarkeria matxista munduko biztanleriaren erdiak, sistema kapitalista heteropatriarkalaren ondorioz, sistematikoki jasaten dugun zerbait delako.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide