Pasaden astean Ezkurdiren kontra 5-1 galdu ostean, gorritxoek pasaden igandean Bermeoren kontra garaipena lortu zuten.
Partidua hasi baino lehen Tyerrik zuzendutako taldeak beste jantzi jarri behar izan zuen kanpoko taldea bigarren jantzia ahaztu baitzuten.
Nahiz eta aurreko astean Ezkurdiren kontra galdu eta kapitaina ez egon, Urduñako neskek partidua irabaztera atera ziren. Maitanek partiduaren lehenengo aukerak izan zituen, hamazazpigarren minutuan atezainaren aurrean bakarrik gelditu zen baina bere jaurtiketa kanpora joan zen. Hainbat minutu geroago Maitanek, berriz, beste aukera izan zuen, baina bere jaurtiketa zutoinaren albotik urrundu zen.
Hogeitabostgarren minutuan Maitanek area barrura sartu zen Urduñako taldearen lehenengo gola eskuratzeko. Hamabi minutu geroago Maitanek, beste behin, bigarren gola lortu zuen. Horrela partidua Tyerrik zuzendutako taldearen alde jartzen zen.
Kanpoko taldeak markagailuan zegoen distantzia murrizten saiatu zen, baina Edurnek oso adi egon zen Bermeoren aukerak urruntzeko.
Bigarren zatia Urduñako neskek hirugarren gola sartzera atera ziren, eta honek hirurogeitabostgarren minutuan heldu zen Lorearen eskutik, Estiren jaurtiketaren aldaratzea jaurti ostean.
Bi minutu geroago kanpoko taldeak gol bat sartu zuen area kanpotik egindako jaurtiketa baten ondoren. Hirurogeitahamahirugarren minutuan Maitaneren jokaldi polit bat eta gero, honek Martari pasea egin zion honek nahi bezala gola sartzeko, baina bere jaurtiketa atezainak aldaratzea lortu zuen. Baina jokaldia ez zen han bukatu, atezainaren aldaratzea Estik hartu zuen eta urduñatarren laugarren gola sartu zuen.
Etxeko taldeak beste gol bat sartuko zuen partidua bukatu aurretik. Oraingo honetan Loreak izango zen Tyerrik zuzendutako taldearen gola sartuko zuena.