aiaraldea.eus

Bost gol sartu zizkion Orduñak sailkapenean hirugarren postuan dagoen taldeari

Erabiltzailearen aurpegia Maider López   Kirola

Gorritxoek lehen postuan dagoen taldeari presio handia sartzen jarraitzen dute, pasa den larunbatean hirugarren postuan dagoen taldeari gol kopuru handia sartu eta gero.

Arbietoko neskek partida zaila zuten aurretik, baina lehengo minutuetatik oso ondo atera ziren. Partidako bigarren minutuan Txitik oso aukera argia izan zuen atezainaren aurrean bakarrik geratu ostean, baina bere jaurtiketa atetik gora joan zen.

Martak markagailua ireki zuen Estik jaurtitako kornerra errematatu ostean. Markagailu horrekin kanpoko taldeak Tyerrik zuzendutakoari presioa sartzen hasi zien poliki-poliki. Anek lehen zatiko azken gol aukera izan zuen, baina bere jaurtiketa kanpora joan zen.

Bigarren zatian gorritxoak hiru puntuak eramateko ideiarekin atera ziren. Lehen zatiko lehenengo minutuan Maitanek Txitiri pase aparta egin zion, horrek baloia atezainera gidatu eta jaurtiketa egin ostean, markagailua 2-0 jarri zuen urduñarren alde.

Berrogeita hamabosgarren minutuan Maiderrek ez zuen baloia galdutzat eman eta area barrura sartzea lortu zuenean baloira atezaina baino lehen heldu zen, hortaz, atezainak aurrelaria lurrera bota zuen. Aurrelaria lurrera erori ostean, epaileak penaltia seinalatu zuen. Maider izango zen penaltia jaurtiko zuena, eta ez zuen hutsik egin; markagailua 3-0 jarri zuen.

Bost minutu geroago, Maitanek ezker hegaletik jokaldi ona egin zuen Estiri areako aurrealdera pasea egiteko. Erdilariak izugarrizko gola sartu zuen eta markagailua 4-0 jarri zuen. Hirurogeigarren minutuan kanpoko taldeak ohoreko gola sartu zuen urrunetik. Geroago, Mungia taldeak beste gol aukera izan zuen, baina Edurnek geldiketa ona egin zuen.   

Hirurogeita hamabosgarren minutuan Txitik markagailua itxi zuen bere lehenengo gola sartuta. Azkenengo minutuetan Maider Tyerrik zuzendutako taldearen seigarren gola sartzeko aukera izan zuen atezainaren aurrean bakarrik geratu ostean, baina bere jaurtiketa langan jo zuen.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa