Pasa den igandean CD Orduña taldeak hiru puntuak lortzeko asmoz atera zen Arbieto zelaira. Partidako lehen ordu erdian Tyerrik zuzendutako taldea ez zen Basauritar taldearen zelaitik atera. Zazpigarren minutuan Ziortzak partidako lehen gola sartu zuen area barruan egindako erremate batekin.
Hogeigarren minutuan Estik bigarren gola eskuratu zuen, eta hogeita zortzigarren minutuan, Ane izan zen hirugarren gola sartzeko arduraduna; Orduñako erdilariak area kanpotik egin zuen jaurtiketa.
Hortik aurrera CD Orduña arazoak izaten hasi zen. Hogeita hamaseigarren minutuan kanpoko taldeak gol distantzia murriztu zuen bere lehen gola sartuz. Bi minutu geroago, Txitik bere lesioarekin berriz eritu zen eta ordezkatua izan zen.
Orduñako kapitaina sei partidu jokatu gabe egon zen lesio berdina zela medio. Oraingoan, berriz ere, partidatik lesionatuta joan behar izan zen. Txiti ordezkatua izan ostean lortu zuen Basauritar Emakumeak taldeak bigarren gola.
Atsedenaren ostean gorritxoak oso ondo atera ziren, hortaz, hirurogeita zazpigarren minutuan Ziortzak laugarren gola sartu zuen. Hurrengo minutuan Estik azkenengo gola sartu zuen markagailua bost eta bi uzteko.
Markagailu onak lortzeko bolada jarraitzeko ideiarekin, gaur arratsaldeko 13:00etan Tyerriren taldea pasa den partiduaren ostean geratutako zapore txarra kentzea saiatuko da Ibaiondo Nerbioi taldearen kontra.