Erritmoa hartzen

Maider López Echabe 2018ko azaroaren 29a

CD Orduña taldeak erritmoa hartu du denboraldi hasiera ona ez izan arren. Gorritxoek denboraldiko hirugarren garaipena lortu zuten Leioako Emakumeak “B” taldearen aurka.

Pasaden igandean CD Orduñako neskek Leioako Emakumeak “B” taldearekin neurtu ziren Sarriena zelaian. Partidua aldapan gora jarri zitzaion Tyerrik zuzendutako taldeari etxeko taldea markagailuan aurretik jarri zenean. Baina bigarren zatian gauzak aldatuko ziren. Gorritxoek lekua aurkitu zuten eta markagailuari buelta ematea lortu zuten. Arbietoko neskek markagailuan 1-3 jartzea lortu zuten Paula Zarate, Olaitz eta Esti Dueñasen golei esker. Garaipen horrekin CD Orduñako neskek seigarren postuan kokatzea lortu dute hamar punturekin.

Hurrengo larunbatean gorritxoek sailkapeneko zortzigarren postuan dagoen taldearekin izango dute norgehiagoka: Arratia taldeaarekin. Arbieto zelaian neurtuko dira garaipen boladari jarraipena emateko asmoarekin.

Kirola Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide