aiaraldea.eus

Garaipen lasaia bostgarren postuan kokatzeko

Erabiltzailearen aurpegia Maider López   Kirola

CD Orduñak aurreko jardunaldiko porrota ahaztu zuen Basauriko taldeari dozena gol sartuz. Garaipena sailkapeneko bostgarren postua lortzeko balio izan zion Arbietoko taldeari.

Pasa den igandean denboraldiko laugarren garaipena iritsi zen Arbieto zelaira etxeko taldeak gol kopuru handia sartu eta gero. Lehenengo minutuetatik Tyerrik zuzendutako taldeak partiduaren kontrola izan zuen eta hala islatu zen markagailuan. Lehenengo zatia bederatzi eta huts bukatu zen gorritxoen alde. Maider lau gol sartu zituen, Paula Zaratek hiru eta bana Esti eta Nekanek. Azkenengo honek area kanpotik falta jaurtiketa ikaragarri baten bitartez lortu zuen gola.

Bigarren zatia ez zen asko aldatu, CD Orduña taldeak hainbat gol aukera izaten jarraitu zuen. Aukera guzti horien artean beste hiru gol eskuratu zituen Arbietoko taldeak. Maiderrek beste bi gol sartu zituen, horrela gorritxoak sei gol gehituko zituen bere zerrendan. Gainera, Olaitzek falta jaurtiketa baten bitartez lortu zuen taldeko azkenengo gola. Horrela, Tyerrik zuzendutako taldea bostgarren postuan jarri zen. Hurrengo igandean Arbietoko neskak Basauriko Kimuak taldearekin neurtuko dira hiru puntuak lortzeko asmoarekin.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa