Urte berriko lehenengo behaztopa

Maider López Echabe 2019ko urtarrilaren 10a

CD Orduñak ez du urtea nahi zuen moduan hasi. 2018ko azkenengo partidua irabazita, gorritxoak sailkapenean beste salto bat emateko intentzioz atera ziren Soloarte zelaira. Hala ere, taldeak ez zuen espero zuen partidua izan.

Pasa den larunbatean Tyerrik zuzendutako taldea Ariz taldearekin neurtu zen Soloarte zelaian. Partidua ez zen ondo hasi Arbietoko neskentzat. Esti Dueñasen gola ez zen nahikoa izan etxeko taldearen bi golen aurrean. Lehenengo zatia bi eta bat bukatu zen Basauriko taldearen alde.

Bigarren zatia, aldiz, hobeto hasi zen CD Orduña taldearentzat. Bigarren zatiko lehenengo minutuetan Paula Zaratek partidua berdintzea lortu zuen. Hala eta guztiz ere, etxeko taldeak beste bi gol sartu zituen markagailua lau eta bi jartzeko.

Arbietoko neskak markagailu horrekin sailkapeneko zazpigarren postuan kokatu dira hamazazpi punturekin. Hurrengo larunbatean Tyerrik zuzendutako taldea Adiskideak taldearekin neurtuko da Arbieto zelaian, hiru puntuak lortzeko asmoarekin.

Kirola Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide