aiaraldea.eus

Pozik nahiz eta garaipena ez eskuratu

Erabiltzailearen aurpegia Maider López   Kirola

CD Orduña ez da urte berri hasiera honetan garaipenarekin topatu. Hala ere, Arbietoko neskek azkenengo partiduan sentsazio onak berreskuratu zituzten taldeak sailkapeneko lehenengo taldeari sendotasunez aurre egin ziolako.

Pasa den larunbateko partidua ez zen partidu erraza izan Tyerrik zuzendutako taldearentzat, urte berriko lehenengo bi partiduak galdu eta gero sailkapeneko lehenengo taldearekin neurtzea egokitu zitzaion eta. 

Partiduko zailtasunak kontuan hartuz, Arbietoko neskak irmotasunez atera ziren zelaira gol aukerak bilatzen. Gol aukera argiena Paula Zarateren eskutik etorri zen, baina bere jaurtiketa atetik kanpo joan zen. Lehenengo zatia bat eta huts bukatu zen Ugao taldearen alde. Bigarren zatian ez ziren gauzak asko aldatu nahiz eta Arbietoko neskek ahalegin handiak egin. Azkenean, Ugaoko neskek hiru puntuak eraman zituzten partidua bi eta huts irabazi ostean. Garaipen horrekin, Arandiako taldeak denboraldi honetan jokatu dituen partidu guztiak irabazi ditu.  

Hurrengo igandean, Tyerrik zuzendutako taldeak Arripurenen kontra jokatuko du Durangoko Tabira zelaian. Arbietoko neskek Ugao taldearekin lortutako sentsazio onetaz baliatzea saiatuko dira hiru puntuak lortzeko asmotan. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa