aiaraldea.eus

Garaipen berri bat denboraldiko azken-aurreko partiduan

Erabiltzailearen aurpegia Maider López   Kirola

Denboraldia bukatzear dago eta CD Orduñako neskak horretaz jakitun dira. Bi porrot izan eta gero Arbietoko neskek hiru puntuak lortu zituzten Ariz taldeari irabaziz.

Pasaden igandean Tyerrik zuzendutako taldeak denboraldiko azkenaurreko partidua jokatu zuen Arbieto zelaian. Partidua aldapan gora jarri zitzaien Aiaraldeko neskei Basauriko taldeak huts eta bat markagailuan aurretik jarri zenean. Bigarren zatia erabat aldatu zen gorritxoentzat. Partiduko bigarren tartea hasi bezain pronto Ariz taldeak zelai erditik atzerantz atera zuen eta atzelariak atezainari emateko momentuan Maiderrek baloia berreskuratu zuen berdinketaren gola lortzeko.

Bigarren zatiko hirugarren minutuan Olaitzek falta bat bota zuen, Esti Dueñasek buruz orraztu ondoren Ane Velezek jaurtiketa egin zuen taldeko bigarren gola lortuz. CD Orduñako hirugarren gola modu berean iritzi zen. Horrela, bigarren zatiko zazpigarren minutura heldu baino lehen, Arbietoko neskak markagailuan 3 eta 1 aurretik zeuden. Partidu oso ona izan zen Tyerrik zuzendutako talderentzat. Garaipen horrekin denboraldiko azkenengo partidurako prest daude denboraldiari modu onenean amaiera emateko.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa