Pasaden astean Tyerrik zuzendutako taldeak ´Lurraldeko Lurralde Maila’ txapelketari amaiera eman zioten Adiskideak taldearen aurka. Lehenengo zatia binako berdinketarekin bukatu zen, Ane Velezen, taldeko kapitainaren, eta Paularen golei esker.
Bigarren zatia aldapan behera jarri zitzaion Arbietoko taldeari eta partidua lau eta bi bukatu zen Montefuerteko nesken alde. Horrela, CD Orduñak denboraldiko tarte garrantzitsuari amaiera eman zion hamargarren postuan geratuz 29 punturekin.
Aiaraldeko neskek beste hiru partidu jokatuko dituzte ligako beste multzoan antzeko postuetan geratu diren hiru talderekin. Lehenengo partiduan, hurrengo igandean, Adiskideak taldearekin neurtuko dira. Bigarrena Leioako Emakumeak taldearen aurka jokatuko dute eta hirugarrena -azkena- Berrio-Otxoa taldearen kontra.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
