Igande goizean izango dira Arabako Administrazio Batzarren hauteskundeak eta Luiaondon zein gainerako kontzejuetan hitzordua izango dugu horretarako. Herri gehienetan zerrenda irekiak izango dira.
Munduko leku gutxitan ematen da hemen igandean izango dugun aukera: nahi duzun herritarra bozkatzea ordezkari gisa, inongo alderdi politikoren siglapean egon gabe.
Horrela erabakiko dugu zein taldek hartuko duen bere gain gure herrien etorkizunaren kudeaketa garrantzitsuak diren arlo askotan. Talde hori da, finean, Administrazio Batzarra.
Gauzak horrela, hurrengo azaroaren 21ean, igandean, parada izango dugu guk geuk aukeratzeko nortzuk osatuko duten Administrazio Batzarrak. Horregatik guztiagatik, animo eta joan zaitezte bozkatzera.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
