8 urteko borroka. 8 urte agerraldiak egiten gure erakunde guztietan, eta zorionak eta babesa jasotzen nire azterketagatik eta Konkorrek Osasun Larrialdietan duten Oihartzuna izeneko bideoagatik. 8 urte bete gabeko konpromiso instituzionalekin. 8 urte azaltzen errepideetako konkorrek osasunean eta ibilgailuetan eragiten dituzten ondorio larriak. 8 urte argudiatzen, esaten denaren kontra, konkor batean gertatzen den harrapaketa baten ondorioak zebra-pasabide tradizional batean baino larriagoak direla. 8 urte errepikatzen konkorrek ez dituztela geldiarazten abiadura-mugak gainditu eta errepideetako gainerako erabiltzaileak arriskuan dituztenak, pertsona horiek ulertzen duten hizkuntza bakarra diru-zorroarena delako.
Laburbilduz, 8 urte itxitasunean murgilduta eta konkorrak jartzen jarraitzen. Eta, nire ustez, 8 urte zeintzuetan erantzukizun nagusia Bizkaiko Foru Aldundiarena izan den, egoera bideratu dezakeen agente nagusia delako. Argudioak eta arrazoiak sobera ditu errepidea berreskuratzeko, larrialdietara eramaten dituzten pertsonen bizitzak arriskuan jartzetik Gordexolako Udalaren ez-betetzeetara.
Bizkaiko Foru Aldundiaren esku dago, konponbidea ez ezik, bide-segurtasuneko plan bat egitea tarte horretarako, gure garaiarekin bat datorrena, guztion segurtasuna hobetzen eta bermatzen duten trafikoa lasaitzeko elementuekin.