Duela urteak ezagutu zintudala. Euro bat balio zenuen. Zure kolorea, zure usaina. Zugan, dena gustatzen zitzaidan. Bazterrak nahasten hasi zinen, 1'04€, 1'07€ balio zenuen... Nire lagunei aurkeztu zintudan. Zurekin egin zitekeen guztia ere azaldu nien; hegaluzea tomatearekin, makarroiak tomatearekin, edo, besterik gabe, bi arrautzekin.
Denbora aurrera doa eta honezkero ez duzu ezagutu zintudanean zeneukan prezioa. Urte hasieran 1'09€ balio zenuen. Famatua bilakatu zinen. Irratia, prentsa, telebista. Gu bion arteko distantzia geroz eta agerikoagoa zen. Minduta sentitzen nintzen, barrenak hautsita; finean, engainatuta.
Ez zinen berdina. Ezta zure prezioa ere ez. Ni engainatzen saiatzen zinen, ordea, soinean jarri zizuten bihotz txiki horrekin. Hori gutxi balitz, 1'99 euroko prezioan aurkezteko lotsagabekeria izan duzu. Ezagutu zintudanean baino ia %100 gehiago.
Zu abandonatzeko erabakia hartu dut, zu ez erostekoa eta horren erraz engainatuko ez nauen beste norbait bilatzea.
Ez zurea, Miguel Angel Brizuela.