41 urte pasa dira. Nahi adina euri egin zuen. Aurrera egiteko garaia zen. Hainbeste lokatz eta hondamendiren artean zerbait positiboa bilatu behar genuen. Luzez hitz egin ondoren, Luis Santosek eta biok gure aletxoa jartzea erabaki genuen. Azkar ibili ginen, eta hurrengo urtean, Egin egunkariko jai-egitarauaren gehigarrian, traineru-estropada proposatu genuen, Nerbioi ibaiaren ur-goraldia zela eta.
Orain, ibaia kanalizatzeko eta zabaltzeko egindako lanak direla eta, traineru-estropada hori berriro egiteko aukera zabalik dago. Faktoriaren parean hasiko litzateke, eta Aretan bukatu, Pabloren etxearen azpian.
Ideia hor dago. Orain, dagokion zinegotzigoak esku har dezan baino ez da falta. Kortaren laguna naizenez, Castroko La Marinera traineruaz gain, beste batzuk ere ekarri ahalko genituzke: Orio, Urdaibai...
P.D. Hurrengo Koparako Gabarra ere atera ahalko genukeen Laudiotik.