Lan handia egin ondoren Nerbioi Garaiko Elikadura Kontseilua abian da.
Badira urte batzuk, eskualdeko ikuspegitik, elikadura burujabetza, eta honen barnean, eskualdeko elikadura sistema indartzeko helburuarekin lan egiten hasi ginela.
Apurka apurka, eskualdeko gizarte eta politika eragile ezberdin askorekin batu ostean, kontseilua osatu dugu. Bertan kontsumitzaileek, ekoizleek, eskualdeko udaletxe guztietako alderdi politikoek, gobernukoak zein oposizioa egiten daudenek, eta udaletxeek hautatutako teknikariek hartu dugu parte.
Baina zertarako elikadurakontseilua? Helburuak argi daude: eskualdearen elikaduraren diagnostiko bat egitea, gure egoera ekoizpenetik kontsumoraino ezagutzeko. Hori ezagututa ekintza planifikazio bat egin dezagun elikadura burujabetza indartzeko eta ahalik eta lanpostu gehien bultzatu ahal izateko, gure ekonomiak birlokalizatuaz eta elikaduraren dependentzia txikituaz.
Zorionez, eskualdeko eragile guztiok nekazaritza eta elikadura gai estrategikotzat hartu ditugu,eta hurrengo urteetan tokiko elikadura sistema indartsuago, dinamikoago, aberatsago eta autonomoagoa izango dugulakoan gaude.Zorionak!