Amurrioko orkestrako zuzendari den Diego Martín Etxebarria Bilboko Orkestra Sinfonikoa zuzentzen ari da berriz ere. Bizkaian egin izan diren hainbat kontzertutan gidatu ditu musikariak. Irailaren 12an Areetan egon ziren, 13an Santurtzin eta 14an Zallan. Honako programa izan dute irizpidetzat: Mozarten “Figaroren Ezkontzak”, La Maiorrean eginiko bibolinerako 5. kontzertua eta Dvoraken Re Maiorreko 6. sinfonia.
Hala ere, Diego Martin Galiziara joango da zuzendari lanak egitera Bizkaian egindako geldialdi txikiaren ostean. Urriaren 2an Ourensen eta 4ean Vigon baititu ikuskizunak Donizettiren “L'elisir d'Amore” lanarekin. Martín Etxebarriak arrakasta handia izan du atzerrian ere. Hain zuzen, Bayreutheko Jaialdian (Alemanian) Wagnerren “Noraezeko Holandarra” operaren entsegutan izandakoa da baita Salzburgon (Austrian) “Jeanne d'Arc” lanaren zuzendaritzan parte hartzen.
Diego Martín Etxebarria Bilbon jaiotako Amurrioko bizilaguna da. Bertan hasi zituen bere musika ikasketak. Gerora, Gasteizko kontserbategian sartu zen eta handik Bartzelonara, Italiara eta Weimarreko eta Dresdeneko (Alemania) Hochshulen eskolara egin zuelarik jauzi. Errege Antzokian, Bilboko Operan, Dresdeneko Semperoperren, Bernako Operaren Antzokian... lan egindakoa da eta hamaika konpositoreren lanak eskeneratu ditu: Mozarten “Txirula Magikoa”, Pucciniren “La Boheme”... Operaz gain orkestra sinfonikoak zuzentzen ditu eta bere kurrikulumean Tenerife, Galizia, Euskadi, Bilbo...