Hainbat hilabeteko lanaren ostean Latiorroko jai batzordeak hilabete honetako 13,14 eta 15. egunetan gauzatuko diren festen programa kaleratu berri dute. Aurten, guztira, 25 bat ekintza burutuko direla jakinarazi dute, hala, adin guztietako jendeari zuzenduriko tarteak egongo direlarik.
Irailaren 13an, ostirala, hasiera emango zaie, beraz, Lateorroko jaiei, arratsaldeko zazpiak inguru direnean, “musika eta kolorea nagusi” izango direlarik antolatzaileen esanetan. Jarraian, Jakin eta Jolas taldeak “Dantzaz Blai” ikuskizuna eskainiko die bertaraturiko haurrei. Egunari amaiera emateko, gauean Lyrikan nahiz DJ Funiren animazioaz gozatzerik egongo da, honi segituz diskodantza bat izango delarik baita ere.
Larunbatean mendi martxa nahiz pilota norgehiagokak antolatu dira eta herri bazkariaren aurretik baserriko produktuen azokatxoa nahiz igel-joko lehiaketak edo haurrentzako puzgarriak. Bazkalostean, mus txapelketa izango da edota zaldi-frogak. Azkenik, 20:00etatik aurrera pintxopoteoa eta Mandoilek, Skakeitan eta Atxurre taldeen kontzertuak jasoko dira.
Azken eguna izanagatik ere igandeak ez du ekintza gutxiago izango. Marmitako lehiaketa eta bazkaria izango dira eta goizean zehar herri kirolak. Bazkaldu eta gero herri bingoa nahiz mounteinbike gynkana izango dituzte lateorroarrek. Bukatzeko, arratsaldeko zazpietatik zortziak bitarte txokolata eta umore saioa izango dira, jarraian jaiei amaiera emango zaielarik.