Neolitikoko iraultza

Erabiltzailearen aurpegia

Neolitoa dugu, industrializazioarekin batera, gizadiaren historian aldaketarik sakonenak ekarri izan zituen iraultza nagusia. Une horretara arte talde txikietan banatuta ehiza eta bilketari esker bizirauten zen gure espezieak nekazaritza eta abeltzaintza aurkitu zituen eta, ondorioz, aberastasun ekoizpenak nola jabetza metaketa eta kontzentrazioak sekulako azelerezioa bizi izan zuten, pixkanaka jabetza kontzentrazio hark klaseen sorrera, banaketa eta hauen arteko borroka ekarri zuelarik. Lehen, ehiztari-biltzaile aske zirenak lurraren jabeen esklabo bilakatuz joan ziren belaunaldi eta menden joan etorriaren poderioz. Hasiera batean, klan eta tribuetan egituraturiko gizarte berdinzale horren errautsetatik jabedunen tresna izango zen estatua joan zen jaiotzen.

Giza gainegiturari dagokionez, neolitoak, hau da, gizarte oinarri ekonomikoaren eraldaketak, eraldaketa sakonak ekarri zituen, erlijioa klase-banaketa prozesu horren justifikatzaile eta zilegitzaile bilakatu zelarik. Ez da harritzekoa garai honetakoak izatea, arestian aipaturiko prozesu guzti hori aurrera zihoanekoak, Kristo aurreko laugarren edo bosgarren milurtekoak, Europa Mendebalde guztian, baita Euskal Herrian, mendi-zelaietan nonahi aurki daitezkeen trikuharri, menhir edo mairubaratzak. Neolitoko komunitateetako buruzagien hilobi. Aiaraldea inguruetatik megalitismo honen adibide franko aurki daitezke, Gorbeia aldean batik bat. Gabonetan, eguzkia laino artetik ateratzera ausartzen bada, egizue txangotxo bat eta egin bisitatxoa Kurtzegan, Abaroa, Larraluze, Egileor, Arlobi edo Pagozarretako jentilarriei. Ikusgarriak dira.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide