Goraintzi zuoi

Erabiltzailearen aurpegia

Ez nuke nahi nire lantzean behineko zutabe honek nolabaiteko asepsia historikoa alde batera uztea. Ezta, dibulgaziozko lerro sorta “serio” izatetik, literatur edo poesiazko txoko bat izatera pasatzerik ere. Baina, gaurkoan, egunkari errespetagarri honek uzten didan izkinatxo hau barne-barnetik datorkidan gogoeta batekin bete nahiko nuke.

Deigarria da historialari nahiz adituek ez direnek, atzera begira jartzean pairatzen dugun miopia kronikoa, hainbat dozena dioptriadun betaurreko mardulenek ere sendatuko ez luketena. Historiaren hari luzean errege, jeneral, ministro eta orotariko aberaskumeak ikusten ditugu, Nafarroako Antso III., Espartero, Wiston Churchill edo Alexandro Handiaz mintzo gara. Horien azpian, pertsonaia handiok eutsiz eta jasanez, egondako milioika gizaseme izerditu eta odolduak gupidagabe ahazten ditugu. “Erroma bikain hura garaipen arkuz beterik nork altxatu zituen?” galdetzen zuen erretorikoki Bertolt Brechtek bere olerkietako batean.

Gure eskualde honetako historia noren historia izan da? Noren historia behar du izan? Elexazarreko parajeetan duela bi mila urte burdina ustiatzen eta forjatzen jardun ziren esklaboen historia; mendeetan zehar euren ahalegin eta nekez Aiarako lurrak ureztatu eta zorutik garia ernarazi zuten laborariena; Urduñako amildegien ertzean otsoaren beldurrez gau lanbrotsuak pasatu zituzten artzainena; Gaztelak Bilbora eta Bilbotik Gaztelara tonaka merkantzia garraiatu zituzten zamariena; Andaluzia, Gaztela, Galizia nahiz Euskal Herritik bertatik etorrita, altzairuzko fabriketan euren bizitza isuri zuten langileen historia... Goraintzi zuoi.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide