Malato zuhaitzaren mitoa

Erabiltzailearen aurpegia

Erdi Aroaren bukaeratik 1876ra arte euskal oligarkia landatar eta hiritarraren pribilejioak babesten zituen lege sistemak, foruak alegia, hauei loturiko salbuespen fiskal eta militarrak, kaparetasun unibertsala, instituzio eta legedi propioak... Ideologikoki justifikatzeko XV eta XVI. mendeetako euskal intelligentsiak hainbat mito historiko sortu izan zituen, espazio arazoak direla kausa behar bezala azaldu ezin ditzakegunak: vascocantabrismoa, vascoiberismoa, tubalismoa... eta abar.

Lope García de Salazar banderizoak bere Bienandanças e Fortunas liburuan kondaira horietako bat aipatzen du. Antza, IX. mendean, bizkaitarrak Asturiar-Leondar Erresumarengandik independizatu nahi izan zuten eta, horretarako, Eskoziako erregearen biloba zen Jaun Zuriari laguntza eskatu zioten. Bizkaitarrak eta asturiarrak Arrigorriagako gudan borrokatu ziren. Lehenengoek irabazi zuten eta Jaun Zuria izendatu zuten Bizkaiko lehen Jauna, euren lege eta usadioak errespetatzearen baldintzarekin. Jaun Zuria asturiar gudaroste garaituei segika ibili zen Luiaondoraino eta bertan bere ezpata ezarri zuen lurrean, Malato Zuhaitzaren ondoan, hain zuzen. Horrexegatik, zuhaitz honen iparraldean Gaztelako erregeek ez zuten aurrerantzean gerretarako miliziarik erreklutatzeko eskubiderik izango. Hots, bizkaitarrak soldaduska egitetik salbuetsita egongo ziren.

Esan beharrik ere ez dago Arrigorriagako guda, Jaun Zuria eta enparauak Euskal Probintzien (Provincias Exentas delakoan) zuhaitz forala mantentzeko mitoak baino ez zirela, helburu politikoekin egindako Historiaren faltsutze bat. Geroztik kolore guztietako interesek errepikatu duten ohitura bat.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide