Alde zaharren alde

Erabiltzailearen aurpegia

Duela zenbait urte, Uhinak Irratiko Ojod’agila umorezko magazinean, Laudion “asociación pro casco viejo” bat sortu behar zela hasi ziren, txantxetan, aldarrikatzen. Orain Aldai Plaza dena ez zegoen oraindik eraikia eta, bertan, aparkalekua zegoen, askok gogoratuko dutenez. Ojod’agilakoek aparkalekua harriztatu behar zela zioten, eta pare bat baserri-edo eraiki, merkatua egiteko toki pintoresko bat atondu...

Txantxak alde batera utzita, onartu beharra dago tamalgarria dela herri honetan ondareari urtetan zehar izan diogun begirune falta. Aranzadik han-hemenka jarritako panelei edo Kofradiak banatutako liburuetako argazkiei begiradatxo labur bat ematea baino ez daukagu: duela mende erdiko Laudio gaur egungo Laudiotik argi-urteetara dago. Eraikin batek zahar itxura duenean, urtikaria-edo sortzen digula dirudi, eta arrapaladan jotzen dugu berau orube dotore bihurtzera; Campoprecioso edo Montebonito higiezinek zero askoko prezioetan etxebizitzak eraiki ditzaten, eta, askotan, ezta hori ere. Horregatik, hain zuzen, dira horren txalogarriak ondarearen zainketaren nola ezagutzearen alde sortatzen diren herri ekimenak (sustraietatik herritarrak), instituzioei askotan belarritik tira egiten dietenak atentzio eske eta atentzioa deituz. Eurei nire zorionik zintzoenak zuzendu nahi dizkiet.

Eskerrak eman nahiko nizkieke ere, egunkariak eskaintzen didan txoko labur zein preziatu hau baliatuz, hilabeteotan Ermuko Andra Marin (also known as Santa Luzia) induskatutakoa, bisita gidatuen bitartez, Laudioko zein Laudiotik kanpoko jendarteari helarazten aritu direnei. Eskerrik asko gure herriaren ahaztutako historia partzelatxo hori plazaratzeagatik.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide