Bi urteren bueltan hemen dugu berriz ere Korrika, 18.a honakoa, datorren martxoaren 14ean Andoainetik atera eta hamar egunen ostean Baionan bukatuko dena. Baina Korrikari ez doakio loturik soil-soilik lasterketa bera, azkeneko edizioetan bestelako hainbat ekintza kultural gehitu behar baitzaizkio azken honi.
Horren harira, Korrika Kulturalaren barruan, bertso saio bat izango da datorren otsailaren 28an, arratsaldeko 19:30etan Arrañope Tabernan AEK-k, Bertsozale Elkarteak eta Aiaraldeko Bertso Eskolak antolaturik. Unai Mendibil gai-jartzailearen zuzendaritza pean lau bertsolari arituko dira zortzikotik hamarrekora doan doinu, errima eta neurri abaniko amaigabe horretan galduta Izar Mendiguren, Ainhoa Comas, Ruben Sanchez eta Paula Amilburu.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
