Karlismoaren inguruko hitzaldia izango da bihar Arespalditzan

Erabiltzailearen aurpegia

Ander Alvarado adituak hitzaldia emango du ostegun honetan Aiaran gure herriaren historian, azkeneko berrehun urteotan, garrantzia eskerga izan duen eta Euskal Herriaren noranzko historikoa baldintzatu duen mugimendu biziki "heterogeneo" baten inguruan: karlismoa.

Ander Alvarado adituak hitzaldia emango du ostegun honetan Aiaran gure herriaren historian, azkeneko berrehun urteotan, garrantzia eskerga izan duen eta Euskal Herriaren noranzko historikoa baldintzatu duen mugimendu biziki "heterogeneo" baten inguruan: karlismoa.

Heterogeneoa. Hala definitu du Ander Alvaradok karlismoa. Izan ere, eztabaida sutsua dago oraindik ere historialarien artean honako ideologia honen idiosinkrasia zehazteko momentuan; Alvaradoren esanetan. "Batzuek mugimendu erreakzionario baten gisa ikusten duten artean beste askok nekazarien klase-interesen defentsaren paradigmatzat dutee. Batzuk euskal abertzaletasunaren aitzindari duten bitartean beste askok espainiar nazionalismoari atxikitzen dute". 


Hitzaldian Euskal Herrian zentratuko da Alvarado Espainia mailako karlismoa ukitu gabe, XIX. mendean zehazki, ikergaia nolabait murriztearren berau hagitz zabala baita haren esanetan. Alvaradok nabarmendu du errepresentatibitate maila eskasa duen arren, mugimendu karlista oraindik ere bizirik dagoela eta egungo abertzaletasunean izan duen eragina ere nabaria dela; era lausotuan bada ere karlismoa bizirik dagoela egun ere Euskal Herrian. 


Aiaraldeari dagokionez XX. mendera arte oso erroturiko ideologia bat izan zela ere adierazi du Alvaradok. Zuhatzan karlistek eraikitakok behaketa-dorretxe bat altxatu zela badakigu egun, Zumalakarregi Urduñatik pasatu zela 1835an Bilboko erasorantz, Arespalditza aldean ere Gudate Karlistetan borrokak egon zirela... gurea eskualde sakonki karlista izan dela alegia.  Hitzaldia Arespalditzako erabilera anitzeko gelan izango da bihar 19:15etan. 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide