Laudioko biztanle gehienei iritsiko zitzaien dagoeneko udalak duela aste gutxi batzuk prestaturiko lehentasunen inguruko inkesta. Galdetegia herritarrek udalari, zenbait eztabaida-lekuetan (HAZ, auzo batzarrak, kontseiluak...) proposaturiko inbertsioak biltzen dira, diru behar handiagoa edo txikiagoa izango luketenak, laudioar guztiek lehentasuna zeini ematea erabakiko dutelarik.
Horretaz gain,inkestan bilduriko beste ezein iradokizun gehitzeko aukera izango dute idemaren hartzaileek. Udalak prentsa ohar baten bidez adierazi du 400 inkestatik gora jaso arren herriko biztanleri osoarengandik urrun dagoela. Haatik, laudioar oro animatu du udaletxetik pasa ta inkesta betetzera. Izatez, azkenaldian egondako jai egun kopuru altua izaki, astebete luzatu dute entregatzeko epea. Hala, azaroaren 14a izango da galdetegiak udaletxeratzeko azken eguna. Udalak dio data hau atzeraezina dela, emaitzak abenduko auzo asanbladetarako izan nahi dituztelako eskuen artean. Informazio gehiago www.zurelaudio.net web orrian eskuratu daiteke. Udal gobernuak inkesten garrantzia berretsi du, berebiziko erabilgarritasuna izango baitute gastuen lehenestea ezartzeko unean, udalak egun dituen baliabide ekonomikoak nahiko mugatuak diren arren.