Amurrioko KIME enpresako langileek greba egingo dutela zabaldu dute ia aho batez onarturiko lan hitzarmena betetzen ez bada, lan-uzteak urriaren 29, 30 eta 31n nola azaroaren 6, 7 eta 8an burutuko litezkeelarik; halaber, bihar eta etzi eguerdiko 13:30etatik aurrera ordubeteko kontzentrazioak gauzatuko dituzte lantegiaren aurrean. Zuzendaritzak bihar bertan bilera egiteko deitu behar ditu.
Enpresa honetan onarturiko lan hitzarmenaren sinadura blokeaturik dago une honetan eta, horretaz gainera, lantegi honetako langileek bi Lan Erregulazio Espediente (ERE) jaso dituzte urtea hasi zenetik. Enpresako langileek azken lan erreformak ekarritakoak ez ezartzeko eskatzen duten artean enpresak lan malgutasuna aldarrikatzen du. Negoziaketa zuzendaritzak bi aukera jarri ditu mahai gainean: beste ERE bat ezartzea edo, aldiz, eskulan guztiari soldata murrizketa bat ezartzea.
Langileek eta LABek salatu dutenez enpresak etekin garrantzitsuak eskuratu ditu aurten, baina ez zuzendaritzak nahi bezain bestekoak, azken honek legedi berriaren arabera kaleratzeak eta bestelako murrizketak ezartzeko aukera ematen duelarik.