Mintzalagun zein berbalagunen egitasmoek bultzada eta arrakasta nabaria izan dute, ez soilik gure eskualdean, baizik eta Arabako probintzia guztian ere, 1000 personatik gora daude izena emanda taldeotan, herri gehienetan presentzia dute eta gizartearen sektore ezberdinentzako espezializaturiko taldeak ere sortzen hasiak dira (Gurasolaguna, Gaztelaguna, Skypelaguna…), hamaika ekintza osagarri burutzen dituzte (afariak, irteerak, txangoak, ikuskizunak…).
Egoera ikusita Arabako berbalagun/mintzalagunek bilkura bat egitea erabaki dute urriaren 20an, larunbata, Murgian (Zuia).
Mintzalagun zein berbalagunen egitasmoek bultzada eta arrakasta nabaria izan dute, ez soilik gure eskualdean, baizik eta Arabako probintzia guztian ere, 1000 personatik gora daude izena emanda taldeotan, herri gehienetan presentzia dute eta gizartearen sektore ezberdinentzako espezializaturiko taldeak ere sortzen hasiak dira (Gurasolaguna, Gaztelaguna, Skypelaguna…), hamaika ekintza osagarri burutzen dituzte (afariak, irteerak, txangoak, ikuskizunak…).
Egoera ikusita Arabako berbalagun/mintzalagunek bilkura bat egitea erabaki dute urriaren 20an, larunbata, Murgian (Zuia).
Ekintzak goizeko 10:30etan hasiko dira ongi etorri ekitaldi batekin. Segidan, 11:00etan, Zuia inguruetatik ibilaldia egingo da bertoko eta Euskal Herri guztiko kondairak kontatu egingo direlarik. Gero, 12:30etan, mintza lehiaketak egingo dira esaera zaharren, pasahitzen eta palindromoen norgehiagokak egingo direlarik. Bazkariaren aurretik, ordu biak aldera, kantu jira egingo da herriko kale eta tabernetan zehar, segidan bazkaria egingo delarik (azken honetan parte hartzeko norberaren herriko mintzalagun/berbalagunaren dinamizatzailearekin hitz egin beharko du, hilak 16 baino lehen, bazkarira joango den edo ez ziurtatzeko). Bazkalostean, 16:30etan, bertsoak, antzerkiak eta kantu esketxak egingo dira.
Arratsalde partean, 17:30etan, Azido Folkloriko taldearen dantza ikuskizuna gauzatuko da eta 20:00etatik aurrera kontzertuak Liskarra eta Garraxika taldeekin.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
