Aski ezaguna denez, datorren azaroaren 20an Espainiar Gorteetarako hauteskundeak egingo dira Hego Euskal Herrian zein Espainiako estatu osoan. Alderdiak jada hasiak dira buru-belarri euren kanpaina-programak lantzen hautesleen bozkak berenganatzeko. Baina alderdiez gain, badira hauteskunde kanpaina horren dinamikan sartzen diren beste zenbait ekimen herritar. Horien artean azkena Laudioko gazte batzuek abiarazitakoa: inongo alderdiren zuzendaritzak eskatu gabe, gazte hauek datozen hauteskunde horietan bozka ezkertiar eta abertzalea sustatzeko 'lip dub' bat antolatu nahi dute Aiaraldean.
Proiektu hori prestatzen duela aste pare bat hasi baziren ere, astelehen honetan, hilak 10, emango dute aipatu ekimen hau ezagutzera. Asanblada irekia deitu dute Laudioko Gure Aukera kultur elkartean arratsaldeko 19:00etarako, hala, besteak beste, lip dub-aren abestia edota ibilbidea erabakitzeko.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
