Ez dago Laudio Ikastolako ikasleen animoak itzaliko dituenik. Ekinean ari dira, etengabe, nekatu barik Araba Euskarazen prestakuntzan buru-belarri eta. Hori dela eta, beste ekintza bat antolatu dute ostiral honetarako. Laudion Dolumin Barikua ospatuko da ostiralean eta, Korrikaren gertutasuna dela kausa, giroa bero-bero egongo da. Hori aprobetxatuz ikastolako ikasleek Araba Euskaraz jaiaren propaganda apurtxo bat egiten laguntzeko spot bat grabatzea erabaki dute, eta laudiar euskaltzale guztiei deia luzatu diete bertan parte har dezaten. Ikasleen helburua bertara gerturatzen den ororekin abesbatza erraldoi bat antolatzea da, guztien artean aurtengo Arabako ikastolen jaiaren ereserki bilakatu den Araban Bagare Gontzal Mendibilen abesti hilezkorra kantatzeko. Hitzordua ostiral eguerdiko 12:00etan izango da Lamuza plazan. Hemendik bertan parte hartzera animatu nahi zaituztegu.
Ez dago Laudio Ikastolako ikasleen animoak itzaliko dituenik. Ekinean ari dira, etengabe, nekatu barik Araba Euskarazen prestakuntzan buru-belarri eta. Hori dela eta, beste ekintza bat antolatu dute ostiral honetarako. Laudion Dolumin Barikua ospatuko da ostiralean eta, Korrikaren gertutasuna dela kausa, giroa bero-bero egongo da. Hori aprobetxatuz ikastolako ikasleek Araba Euskaraz jaiaren propaganda apurtxo bat egiten laguntzeko spot bat grabatzea erabaki dute, eta laudiar euskaltzale guztiei deia luzatu diete bertan parte har dezaten.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide